Hati rimerr në pak javë patentën që u tha se ia bllokuan, por Besmir Qibini krenohet 25 mijë GJOBA në javë
Policia Rrugore e Tiranës ka bërë bilancin për këtë javë, ku bëjnë me dije se kanë arrestuar 66 persona për shpejtësi tej normave, alkool dhe celular në timon.
Ndërkohë raportojnë se kanë vendosur 25,158 masa administrative për shkelje të rregullave të qarkullimit, përfshirë këtu përdorimin e celularit gjatë drejtimit të mjetit, mospërdorim të rripit të sigurimit, parakalime të gabuara, mosvendosje të kaskës mbrojtëse, manovra të rrezikshme në rrugë, drejtim të mjetit nën efektin e alkoolit, parkim i gabuar etj.
Kjo ndodh në të njëjtën ditë kur tiktokerja Hatixhe Brika, e njohur si Hati krenohet në Instagram se kishte rimarrë patentën pak javë pasi policia tha me bujë se isha kishte bllokuar për disa muaj!! Ky është shteti ligjor, të vobektët vuajnë, të pasurit i zgjidhin gjërat!
Njoftimi i plotë
Me qëllim parandalimin e aksidenteve rrugore në qendrat urbane dhe rurale, si dhe në akset rrugore nacionale, Policia Rrugore ka intensifikuar monitorimet.
Si rezultat i monitorimeve në të gjitha akset rrugore, 24/7, duke përdorur mjete inteligjente poliskanë, radarë automatikë, dronë të cilësisë së lartë dhe dragera, gjatë kësaj jave janë arrestuar 66 drejtues mjetesh, për drejtim të mjetit në gjendje të dehur dhe për drejtim të mjetit pa leje drejtimi.
Janë evidentuar nëpërmjet radarëve dhe poliskanëve 1800 drejtues automjetesh, të cilët qarkullonin me shpejtësi 40 deri në 120 km në orë mbi normën e lejuar. Drejtuesit e automjeteve janë ndëshkuar me dyfishin e masës administrative maksimale dhe zbritje deri në 8 pikë nga Leja e Drejtimit.
Gjithashtu, në të gjithë vendin janë vendosur 25,158 masa administrative për shpejtësi tej normave të lejuara, për përdorim të celularit gjatë drejtimit të mjetit, për mospërdorim të rripit të sigurimit, për parakalime të gabuara, për mosvendosje të kaskës mbrojtëse, për manovra të rrezikshme në rrugë, për drejtim të mjetit nën efektin e alkoolit, për parkim të gabuar, si dhe për shkelje të tjera të Kodit Rrugor.
Për javën në vijim, nisur nga shkeljet e shumta të konstatuara gjatë javës dhe më parë, Policia Rrugore ka hartuar një plan të detajuar masash me qëllim parandalimin e aksidenteve rrugore.
Policia Rrugore apelon për të gjithë drejtuesit e automjeteve dhe motomjeteve për zbatim me rigorozitet të rregullave të qarkullimit rrugor, që t’ju japin përparësi këmbësorëve dhe të mos kryejnë parakalime të gabuara apo manovra të rrezikshme, të mos përdorin celularin gjatë drejtimit të automjetit dhe të vendosin rripin e sigurimit.
Drejtuesit e motomjeteve dhe përdoruesit e biçikletave dhe monopatinave të mos qarkullojnë gjatë natës pa pasur shenja dalluese fosforeshente, si dhe këmbësorët të tregojnë kujdes në ato vende ku mungojnë mbikalimet apo vijat e bardha, duke mos kaluar rrugën pa kontrolluar lëvizjen në të dyja kahet.
