Shumë gjëra janë thënë për Stormy Daniels.
Një grua gazmore, e bukur, e fortë nga Baton Rougge, Luziana, e cila u rrit mes skamjes në një qytet të varfër.
Emri i saj është lakuar gjerë e gjatë dhe po komentohet në të gjithë botën për shkak të historisë së shkurtër me ish-presidentin Donald Trump dhe akuzave të ngritura ndaj tij të cilat mund t’i kushtojnë këtij të fundit postin e Presidentit, miliona dollarë ose lirinë.
Por, si u njoh Trump me pornostaren Daniels dhe si filloi historia e tyre?
Ishte viti 2006 kur Daniels u takua me Trump gjatë një turneu bamirësie golfi në Liqenin Tahoe. Aso kohe ajo e pa ish-presidentin si një “playboy”.
Në këtë kohë, Trump ishte më i njohur për punën e tij në shfaqjen e suksesshme të realitetit The Apprentice . Ai e ftoi për darkë në hotelin e tij, por meqë ajo mbërriti herët, u ngjit në hotelin e tij ku dhe e gjeti ish-presidentin të veshur me pizhame të zeza mëndafshi.
“Ti je me të vërtetë shumë e zgjuar”, i tha Trump asaj ndërsa diskutonin lidhur me pjesëmarrjen e Daniels në “The Apprentice”. Sipas asaj që pornostarja pretendon, teksa po dilte nga banja Trump ishte shtrirë në shtrat i veshur vetëm me pantallona të shkurtra dhe një bluzë. Ata bënë seks me pëlqim, por ajo tha se takimi e la të çorientuar.
Në një intervistë të mëvonshme 60 minuta pasi Trump u bë president, Anderson Cooper e pyeti atë me pikëpyetje nëse kishte dashur të bënte seks me të, për të cilën ajo u përgjigj “Jo. Por unë nuk thashë jo.”
Aso kohe Daniels ka qenë e bindur se ajo që ndodhi mes saj dhe Trump nuk ka qenë përdhunim, por se ajo gjithashtu kishte ndjerë se në ato momente ai nuk do të kishte pranuar një “jo” si përgjigje.
“Unë nuk e doja atë, por e lejova të ndodhte”, ka thënë më herët Daniels.
Trump ishte dhe është një njeri me fuqi dhe privilegj të madh. Në kohën e takimit të tyre në Liqenin Tahoe në vitin 2006, Trump ishte 60 vjeç ndërsa Daniels vetëm 27-vjeç.
Ai kishte shumë para, shumë herë më shumë se sa Daniels mund të fitonte ndonjëherë gjatë gjithë jetës së saj.
Juria e shpalli fajtor, zbardhen 34 akuzat që rëndojnë mbi Donald Trump, ish-presidenti rrezikon 4 vite burg
Kush është Stormy Daniels?
Daniels, 45 vjeç, emri i vërtetë i së cilës është Stephanie Clifford, është një yll dhe regjisore filmash për të rritur e lindur në Luiziana.
Përveç kësaj, ajo u shfaq në filmat kryesorë të Hollivudit, duke përfshirë komeditë e viteve 2000, Virgjëresha 40-vjeçare dhe Knocked Up. Ajo gjithashtu mori pjesë në politikë dhe më parë deklaroi se ishte një republikane.
Akuzat e saj për Trump:
Ish-ylli i filmave për të rritur tha se Donald Trump e pagoi shuma të majme parash që ajo të mos tregonte se çfarë kishte ndodhur mes tyre.
Daniels ka treguar se Trump në 2006 i kishte kërkuar që t’i bashkohej atij në një darkë, duke shtuar se nuk donte të shkonte.
Më pas aty ata kryen marrëdhënie seksuale.
Por, pak para zgjedhjeve presidenciale pornostarja tha se do të tregonte historinë e saJ me Trump, mirëpo ky i fundit përmes avokatit të tij i pagoi asaj 130.000 dollarë që të qëndronte e heshtur.
