Një i ri shqiptar është shpallur në kërkim nga policia britanike, pasi dyshohet se është arratisur pasi ishte lënë në liri kundrejt një garancie pasurore.
Oficerët e policisë së Cheshire po bëjnë apel për informacion nga publiku për të ndihmuar në gjurmimin e Ali Kacit.
22-vjeçari nga Shqipëria, me banim në Runcorn, kërkohet nga policia për shkelje të garancisë. Ai ishte lënë në liri me kusht pasi u kap duke kultivuar kanabis.
“Ai përshkruhet si i bardhë, me një strukturë proporcionale, me flokë të shkurtër kafe dhe sy kafe, dhe ai gjithashtu ka lidhje me zonën e Londrës së Madhe.
Kushdo që sheh Kacin, ose ka ndonjë informacion në lidhje me vendndodhjen e tij, i kërkohet të telefonojë Policinë e Cheshire në numrin 101, duke cituar 23000213484, ose të vizitojë faqen e internetit”, njofton policia britanike.
