20 persona, dëshmitarë ose njerëz që mund të kenë dijeni për rrethanat që mund të kenë sjellë vrasjen e Alfred Dedjas apo vendodhjen e Julian Gjoshit, janë marrë në pyetje nga Policia e Shtetit.
Në pyetje është marrë edhe personi që ka qenë në tavolinë me Gjoshin, i cili ka shpjeguar dhe dinamikën e ngjarjes.
Personi në fjalë, të cilit ende nuk i është zbardhur identiteti ka treguar se nuk ka asnjë dijeni për konfliktet mes tyre që çuan deri në vrasjen e 50-vjeçarit.
Edhe familjarë të autorit dhe viktimës kanë mohuar të kenë dijeni në lidhje me konflikte mes tyre.
Ngjarja ndodhi një ditë më parë në Ndroq. 50-vjeçari Dedja ishte ulur në një lokal në zonën e Ndroqit, ku dhe banonte, në momentin që Julian Gjoshi u fut brenda. Dedja u ngrit që ta përqafonte, por Gjoshi e qëlloi me armë zjarri duke e lënë të vdekur.
Dyshja njiheshin prej vitesh. Dedja e ndante jetën mes Shqipërisë dhe Italisë dhe ka punuar si menaxher në kompleksin “Golden” që është në pronësi të Altin Hajrit, kunatit të Julian Gjoshit, vend ku u mor peng dhe u vra Jani Prenga.
Gjithashtu, siç është raportuar, Dedja ka punuar me Hajri e Gjoshin edhe në fushën e lojërave të fatit, kryesisht të lotove.
Nuk dihet ende se çfarë e ka krisur këtë bashkëpunim që çoi në ekzekutimin e 50-vjeçarit. /korrieri
SHIKO EDHE:
Dy të vrarë në Velipojë
BAJRI “ZBËRTHEHET” NË “SKY”: “Po vrave Braçen, ke marrë Shkodrën, e bëre Republikë, me hy me pasaportë si në Vatikan”
DOSJA/ Klajdi Merkaj ndërtoi kompleksin Mandarine Drive me para droge, Franc Çopja ishte pronari, të pathënat e kullës së kuqe përballë Ekonomikut dhe 15 milion euro FLORI
DOSJA/ Kel Kamami i ofroi 2 mln euro për kokën e Erion Alibejt, Nuredin Dumani i vuri kusht Talo Çelën: Do të vras njerëzit e afërt
Skema korruptive edhe me pasionin e fëmijëve, ëndrra për t’u bërë futbollist kalon nga Arjana Sina , të pathënat me kartelat mjekësore të fëmijëve
“Ikni nga Shqipëria, jua them unë”, si ndryshoi jeta e kampionit Ilir Suli pas videos virale
