Pas daljes nga SPAK, kreu i PD-së, Sali Berisha foli për mediat.
Berisha e nisi fjalimin me ironi kundrejt Ramës dhe kryebashkiakut të Tiranës, Erion Veliaj.
Berisha tha se statuset e para te Veliajt në Facebook lidhur me arrestimin e tij janë redaktuar nga redaktori.
Sipas Berishës redaktori i Veliaj ishte kryeministri, Edi Rama.
Pjesë nga fjala e Berishës:
Tani, siç e don dhe transparenca, me të drejtë prisni t’u rrëfej se çfarë gjeta aty brenda, çfarë kishte në sallat dhe korridoret e Skapit të partisë.
Sot, aty takova Redaktorin. Redaktori është një person, të cilin mediat e censuruan.
Mediat dëshmuan se Erion Veliaj, Lal Vjedhësi, në telefonatat e tij të panumërta, i jepte të vëllait porosi për Mjero Bazen, për Bolinon, për Yzeirin e të tjerë.
Por atë që u fshehën mediat ju, ua them unë.
Në urdhëresat dhe udhëzimet e tij ishte një shumë e veçantë. Për këtë çështje, thoshte, do pyetet Redaktori.
Kjo çështje nuk do dalë pa u pyetur Redaktori, tani, do thoni ju, cili ishte Redaktori.
Redaktori ishte Edi Rama.
Dëgjojeni miq se çfarë Jagoje i paskrupullt është.
Natën i ndërsente kundër Skapit, ditën sulmonte Etjenin se guxove të sulmonte Skapin. Ndërkohë, statuset e para janë të gjitha të redaktuara nga Redaktori.
Po çfarë po bënte Redaktori këtu?
Redaktori këtu kishte vënë përpara një telajo dhe qejf e qejf po pikturonte mustaqet e Kujtim Gjuzit.
Po, i them unë, çfarë ke ti me këto mustaqe? Ti i ke tuat.
Epo këto të miat nuk më mbushin, e vërteta është kjo. Prandaj është i fiksuar.
Dhe çdo fjalë e tij çdo mëngjes fillon me mustaqet dhe mbaron pastaj e dini vetë me çfarë…
Në fakt në burg e ka vendin. Një audit i gjithanshëm e pret. /korrieri
SHIKO EDHE:
EKSKLUZIVE/ Erion Veliaj i dha Ermal Mamaqit dhjetëra mijëra euro nga taksat tona, dalin “letrat”
DOKUMENTI/ “Qëndro i fortë lali!” Erion Veliaj e pagoi Anxhela Peristerin 36 000 euro nga taksat per lajka dhe foto
Veliaj me celular në qeli, a po e saboton SPAK-un kreu i Burgjeve Klevis Qose ? Kujt i shërben Qose, ligjit apo të arrestuarve për korrupsion?
Merret VENDIMI, Veliaj e pëson pas kërcënimeve ndaj prokurorit dhe gjykatësit
SPAK bën gati goditjen finale ndaj Veliajt, nesër me prova të reja para Apelit të GJKKO
Faturat dhe kontratat e Ajolës, “fundosin” edhe me shumë, ZBARDHEN provat e reja të SPAK
