Artan Dulaku thirret në SPAK , baza e Limionit apo dosje të reja?

Biznesmeni Artan Dulaku është paraqitur sëfundmi në Prokurorinë e Posaçme ( SPAK ), i shoqëruar nga një avokat sipas portalit Vna.al .

Dulaku, bashkëpronar me Shefqet Kastratin në kompaninë që ka marrë me koncesion Bazën e Limionit në Sarandë, është përballur me vendime gjyqësore që e kanë bllokuar këtë projekt.

Gjykata e Posaçme vendosi sekuestron në shkurt 2023, vendim që u konfirmua më pas nga Gjykata e Lartë. Çështja u rrëzua dhe nga Gjykata Kushtetuese (LEXO VENDIMIN POSHTË), pas kërkesës për heqjen e masës.

Megjithatë, pavarësisht sekuestros, në portin e Limionit kanë nisur punimet për ndërtimin e një marine turistike. Ish-zv. komandanti i Forcës Detare, Artur Meçollari, publikoi prova ku shihen mjete të rënda duke mbushur territorin me inerte.

Ai akuzoi kompaninë koncesionare për shpërfillje të vendimeve gjyqësore, ndërsa çështja është referuar në prokurori për veprime të kundërligjshme për hedhjen e inerteve në det. Deri më tani nuk ka asnjë veprim nga prokuroria për hedhjen e inerteve pa leje në det.

LEXO VENDIMIN E GJYKATËS SË LARTË

Kontrata e koncesionit, e nënshkruar në korrik 2020 mes qeverisë dhe kompanisë “Marina Bay Saranda”, është cilësuar si e parregullt nga hetimet e SPAK, të cilat po shqyrtojnë shpërdorimin e detyrës nga zyrtarë të Ministrisë së Mbrojtjes dhe Forcave të Armatosura.

Në qershor 2021, KRRT miratoi lejen e ndërtimit për portin turistik, pavarësisht kundërshtive të Forcës Detare, që e konsideronte zonën strategjike për operacionet ushtarake.

Në qershor 2023, Gjykata e Lartë la në fuqi sekuestron e “Portit të Limionit”, miratuar nga GJKKO në shkurt të atij viti (Shiko vendimin).

Përplasjet ligjore vazhdojnë, ndërsa SPAK dhe gjykatat e kanë ndaluar vijimin e punimeve deri në përfundimin e hetimeve kurse oligarkët po tentojnë censurimin e këtij shkrimi. /korrieri

SHIKO EDHE:

Vilë 800 mijë EURO çiftit Meta -Kryemadhi , si i gënjeu Samir Mane prokurorët e SPAK , por SMS-të me Monikën e nxorrën zbuluar  Vilë çiftit Meta – Kryemadhi , a nuk duhet të hetohet nga SPAK edhe biznesmeni Samir Mane për korrupsion aktiv ? SKEMA/ Si e paguante Vodafone çiftin Meta -Kryemadhi përmes UNIFI, rolet që kishin Marin Gjonaj , Theodhori Çami , Piro Xhixho dhe Adrian Shatku Biznesmenët (!) e FRESSH, Artur Micko dhe Eljo Hysko bëhen miliarderë pasi i shërbyen partisë, shfaqet sërish dora e Marin Gjonaj DOKUMENTET/ Nuk pagoi kokërr leku tatim, MSSC e biznesmenit Emiljano Dusha i 500-fishoi fitimin në 2023 me tenderët sekret të armëve, ÇFARË fshihet pas Adelajda Roka në krye të AZHT jep leje për kulla e fshatra turistik, SPAK zbulon se vëllezërit Xhino dhe Marsel Roka janë pjësë e organizatës kriminale të Suel Çelës