Vijon të jetë e rrethuar me mister, zbulimi i një mjeti lundrues në ujërat shqiptare, pa persona në bord.
Rezulton se mjeti lundrues është nisur nga veriu i Barit-Itali më 9 shtator me drejtim Kroacinë dhe ka vazhduar lundrimin në normalitet.
Më pas lëvizjet e mjetit lundrues kanë qenë të çrregullta dhe të pakomanduara në lundrim.
Gazetarja e Top Channel Dorjana Bezat raporton se mjeti është konstatuar në ujërat shqiptarë më datë 10 shtator rreth mesditës por për shkak të motit të keq, kontrolli brenda velierës është bërë të nesërmen më 11 shtator.
Brenda është gjetur një pasaportë gjermane me gjeneralitetet Fellmann Rudiger me datëlindje me vendlindje Leipzig, dukumente të mjetit lundrues në pronësi të tij dhe është sekuestruar 1 pistoletë Walther, 41 fishekë 2 telefona celularë dhe 1 laptop.
Interpol po kryen verifikime për personin e zhdukur si edhe po mblidhen informacione se me ke ka qene në bord kur është nisur nga Italia.
Policia shqiptare ka kontaktuar me djalin e 85-vjeçarit i cili ka thënë që prej një muaji nuk kishte kontaktuar me të atin.
Dyshimet e para janë se 85-vjeçari mund të ketë rënë në det, teksa mund të jetë përpjekur që të rregullojë velat e mjetit lundrues.
SHIKO EDHE:
Shkodra në “flakë”, si nisi saga e vrasjeve mes Bajrave dhe Licëve, të paktën 20 viktima e dhjetëra atentate
SPAK merr nën hetim masakrën e Dobraçit
MISTERI/ Një oficer i SHISH u vra pasi zbuloi skandalin me mikrokreditë? Detajet TRONDITËSE
Tirana nën terrorin e vrasjeve mafioze, policia nuk di ende asgjë
“Do ta paguajë 10-fish”, pse porositi ish-gjyqtarja e Elbasanit vrasjen e Saimir Kodrës
“E vrava nga xhelozia”, ky është shqiptari që i mori jetën gruas në Athinë
