Këngëtari i njohur dhe i dashur për publikun, Sidrit Bejleri ka folur me zemër në dorë së fundmi në një intervistë, për humbjen e vajzës së tij të parë.
Sot ajo do të ishte 17 vjeçe tha Sidriti, teksa pranoi se ai e ka të vështirë të flasë për humbjen e saj.
Këngëtari kujton për “S’e luan Topi”, se kjo ka qenë sprova më e fortë. Ama bashkë me tre fëmijët e tij, ai dhe Meri e kujtojnë Sofinë dhe do ta kujtojnë derisa të bashkohen me të një ditë në parajsë.
Tre fëmijët e këngëtarit, Amad, 14, Emel, 11, dhe Ejna 5-vjeçare janë rritur me idenë që kanë pasur edhe një motër më të madhe, madje shpesh mendojnë edhe si do të ishte ajo sot.
“Ne duam t’i rritim me idenë që kanë pasur edhe një motër më të madhe. Sepse duhet kuptuar që jeta është e çuditshme, jeta të vë para sprovave që ti nuk i mendon kurrë. Ti mendon se do të jesh gjithmonë një vëzhgues i papërfshirë, por kur je brenda pastaj thua “pse më ndodhi mua?”. Ja që ndodh, por duhet të dish të reagosh”.
Ndarja nga jeta e Sofisë ishte një sprovë dhe provë tjetër që e fuqizoi raportin e Sidritit me Zotin.
