Një sondazh i fundit zbulon se 76% e brezave të rinj (Gjeneratës Z), krahasuar me 57% të brezit parardhës (Millenials), preferojnë sipërmarrjen në vend të punëve 9-5.
Nga të anketuarit, 39% e Gjeneratës Z besojnë se mund të hapin një biznes nëpërmjet një smartphone. Me vetëbesim dhe të aftë në teknologjinë digjitale, Gjenerata Z pritet të tejkalojë Millenials me frymën e tyre sipërmarrëse.
Një sondazh i ri nxjerr në pah një trend në rritje të të rinjve që zgjedhin të nisin bizneset e tyre në vend që të punojnë për të tjerët.
Kërkimi nga Santander UK zbuloi se tre të katërtat e Gjeneratës Z kërkojnë të “jenë shefat e vetes” dhe nuk planifikojnë të punojnë në 8-orarësh. 77 përqind janë të sigurt në aftësinë e tyre për të nisur dhe drejtuar një biznes të suksesshëm, dhe 39 përqind besojnë se mund ta bëjnë këtë nga telefoni i tyre inteligjent.
Gjysma e të anketuarve thanë se Gjenerata Z dhe Mijëvjeçarët kanë një avantazh kur bëhet fjalë për fillimin e një biznesi, pasi ata janë rritur në epokën digjitale.
“Gjenerata Z po dëshmohet të jetë gjenerata më sipërmarrëse deri tani, dhe kjo nuk është rastësi. Ndryshe nga gjeneratat e mëparshme, ata janë rritur të zhytur plotësisht në epokën digjitale, ku informacioni, mjetet dhe lidhjet globale janë vetëm një klikim larg. Ky ekspozim i vazhdueshëm ka nxitur një mendësi që vlerëson inovacionin dhe përshtatshmërinë. Me një kuptim të thellë të peizazhit digjital, ata jo vetëm që janë të përgatitur të nisin ndërmarrjet e tyre por janë të pozicionuar në mënyrë unike për të tejkaluar gjeneratat e mëparshme në kthimin e ideve në realitet,”-tha Sam Jones, ylli i Dragon’s Den dhe themeluesi i Gener8.
