17-vjeçarja shqiptare, e cila nisi të tutorohej që në moshën 15-vjeçare, ka dhënë një tjetër dëshmi lidhur me rastin e trafikimit të saj në vendin fqinjë. Sipas mediave greke, ajo pretendon se është tutoruar me vullnetin e saj të lirë, ndërsa ka mbrojtur 31-vjeçaren “Lorela”, e cila dyshohet se është “truri” i unazës.
17-vjeçari duke folur në emisionin “Të vërtetat me Zinën” pohoi se 31-vjeçarja “Lorela Kapaj” është e pafajshme dhe se 26-vjeçari i arrestuar më 15 janar, është personi që tradhton vajzat e mitura.
“Ajo është e pafajshme. Unë u shoqërova me të, ajo nuk më përfshiu. Thjesht donte të më pengonte nga e gjithë kjo,”- deklaroi fillimisht 17-vjeçarja. Ndërsa shtoi: Duhet të ishin të tjerë brenda dhe nuk janë. 26-vjeçari që u kap dje duhet të ishte brenda sepse ka marrë vajza të vogla 14 dhe 15 vjeç, jo 31-vjeçarja. Unë i njoh këto vajza, i ka promovuar për para. Dikur merrja 150 euro. Është gënjeshtër që kam qenë viktimë e tutorëve. Askush nuk më vuri në punë, e bëra vetë.
Krahas kësaj, duke iu referuar fotove nudo dhe si i gjente “klientët”, 17-vjeçarja tha: I gjeja klientët nga Instagrami. 34-vjeçari i ka vendosur reklamat pa dijeninë tonë. Ai po na fotografonte me pëlqimin tonë për t’i mbajtur, jo për t’i ngarkuar diku.
Për këtë rast janë arrestuar tre persona. Një rol kyç ka luajtur një 31-vjeçare e quajtur “Lorela”, e cila që në fillim të vitit 2022 kishte krijuar një marrëdhënie miqësore me 15-vjeçaren dhe e ndihmonte të gjente “klientë”, duke i marrë një përqindje të tarifave. 31-vjeçarja, nënë e një fëmije të mitur, u arrestua në shtëpinë e saj në Kolonos, ku disa nga fqinjët e saj kishin vënë re kontaktet e “çuditshme” që kishte me të miturat e zonës. Personi i dytë i arrestuar javën e kaluar është një 34-vjeçar, shok i “Lorelës”. Personi i tretë i arrestuar akuzohet se ka kryer marrëdhënie seksuale me dy të miturit në periudhën korrik-gusht 2023 në shtëpinë e tij në Korydallos, duke u paguar atyre shumën prej 100 euro
