![](https://gazetakorrieri.com/wp-content/uploads/2023/12/IMG_0980.jpeg)
SPAK ka kryer ditën e sotme kontrolle në disa kompani farmaceutike, mes të cilave farmacia “Ditë Natë” dhe “Delta Farma”.
Lajmi konfirmohet nga burime pranë SPAK, ndërsa mësohet se hetimi po udhëhiqet nga prokurorja Elida Kaçkini.
Mësohet se ky kontroll vjen në kuadër të hetimit pasuror që po kryhet për ish-ministrin Ilir Beqaj. Nga informacionet e deritanishme, dyshohet se ky kontroll lidhet me hetimet që po kryhen për ‘Check-up’-in.
Kompania koncensionare për ‘Check-up’-in, “3P Life Logistic”, mori përsipër të menaxhojë 20 laboratorë, duke i pajisur me aparaturat e duhura, implementim që nisi më 31 mars 2015.
Kujtojmë se SPAK e akuzon Beqajn për shpërdorim detyre për koncesionin e sterilizimit, ndaj Prokuroria e Posaçme zyrtarizoi hetimin për ish-ministrin e Shëndetësisë, Ilir Beqaj, lidhur me koncesionin e sterilizimit të pajisjeve kirurgjikale, kontrata koncesionare 10-vjeçare afro 100 milionë dollarëshe, e cila u firmos në dhjetor 2015 dhe ende vijon.
Prokuroria e Posaçme bëri me dije se ish-ministri ka konsumuar veprën penale të shpërdorimit të detyrës në lidhje me procedurat e ndjekura për koncesionin e sterilizimit të pajisjeve kirurgjikale me vlerë 100 milionë euro.
Kështu, sipas hetimeve të zhvilluara deri në këtë fazë, ish-ministri akuzohet për shkelje të barazisë në tendera apo ankande publike.Ç