Një 51-vjeçar ka përfunduar në spital pasi është rrëzuar nga shkallët, teksa ishte duke punuar në rafinerinë e naftës.
Ngjarja ka ndodhur në fshatin Drizë të Fierit.
Rreth orës 13:30, në spitalin e Fierit, është paraqitur për mjekim, shtetasi A. Rr., 51 vjeç, i cili dyshohet se është rrëzuar nga shkallët, duke punuar në rafinerinë e naftës, në fshatin Drizë.
Aktualisht ky shtetas ndodhet në kujdesin e mjekëve, jashtë rrezikut për jetën.
Grupi hetimor po punon për sqarimin e rrethanave të ngjarjes.
