![](https://gazetakorrieri.com/wp-content/uploads/2023/11/640-0-skynews-patrick-dempsey-6352456-1699443168.jpeg)
Aktori Patrick Dempsey është burri më seksi në botë për vitin 2023, sipas revistës prestigjioze People.
Prej 2 dekadash pjesë e ekranit, është bërë i dashur për publikun falë rolit të tij në serialin “Grey’s Anatomy”. Patrick është vlerësuar në moshën 57-vjeçare, si burri më seksi në planet.
Edhe këtë lajm, Patrick e ka marrë si gjithnjë, me të qeshur dhe e ka kaluar me batutë. “Sigurisht që ma përkëdhel egon, është vlerësim i jashtëzakonshëm dhe patjetër që do të përkthehet në diçka pozitive, të paktën shpresoj”, tha ai për Revistën People, në kopertinën e së cilës shfaqet për numrin e muajit nëntor.
Patrick prej vitesh, veç kinemasë, angazhohet edhe në beteja kundër kancerit dhe mbështet pacientët e sëmurë, për të cilët ka ngritur edhe qendrën Dempsey. Së fundmi, ka luajtur edhe në dramën “Ferrari” që shfaqet premierë në kinematë botërore për Krishtlindje.