Ukraina ka propozuar blerjen e armëve amerikane me vlerë 100 miliardë dollarë, të financuara nga Evropa, me synimin për të siguruar garanci sigurie nga SHBA pas një marrëveshjeje paqeje me Rusinë, sipas një dokumenti të parë nga Financial Times.
Në propozim përfshihet edhe një marrëveshje prej 50 miliardë dollarësh për prodhimin e dronëve në bashkëpunim me kompanitë ukrainase që kanë zhvilluar teknologjinë që prej pushtimit rus në vitin 2022.
Dokumenti, i ndarë nga Kievi me aleatët evropianë përpara takimit të presidentit Volodymyr Zelenskyy me Donald Trump në Shtëpinë e Bardhë, nuk specifikon llojin e armëve që do të blihen, por Ukraina ka bërë të qartë interesin për të paktën 10 sisteme amerikane Patriot, si dhe raketa e pajisje të tjera.
Ky propozim synon të tërheqë vëmendjen e Trumpit mbi përfitimet për industrinë amerikane. Vetë Trump deklaroi të hënën: “Ne nuk po japim asgjë. Ne po shesim armë.”
Qëndrimi i Ukrainës
• Ukraina refuzon çdo marrëveshje që përfshin lëshime territoriale ndaj Rusisë.
• Një armëpushim shihet si hapi i parë drejt një paqeje të plotë, por jo mbi “dhurata për Putinin”, por mbi një “kornizë të fortë sigurie që parandalon agresionin e ardhshëm”.
• Kievi ka hedhur poshtë propozimin e Vladimir Putinit, bërë javën e kaluar në Alaskë, që Ukraina të tërhiqet nga pjesët e pushtuara të Donetskut e Luhanskut. Dokumenti paralajmëron se kjo do t’i hapte rrugë një avancimi të shpejtë rus drejt Dnipros.
About the Author
SHIKO EDHE:
Pheniani e mban sekret brenda vendit lajmin se ka dislokuar trupa në Rusi, as familjet e ushtarëve nuk duhet ta dinë
Kush ishte Mazin Al Hamada? Aktivisti që përjetoi ferrin mbi tokë nga regjimi i Assadit, ku e gjetën trupin e tij
Spiunazh dhe frikë për sigurinë: Lufta për ambasadën e re të Kinës në Mbretërinë e Bashkuar
Trump: Ndalëm diçka që ishte gati të niste mes Serbisë e Kosovës, shpëtuam shumë jetë
Italianët heqin dorë nga plazhet mes debatit mbi rritjen e çmimeve
Zelensky do të takohet me Trumpin në Uashington të hënën: Mbështesim propozimin për një takim trepalësh
