SPAK futi Veliajn në burg, tani radha e One Albania të japë llogari për financimin e linçimit të prokurorëve dhe shkatërrimin e tregut mediatik

SPAK futi Veliajn në burg, tani radha e One Albania të japë llogari për shkatërrimin e tregut mediatik dhe financimin e linçimit të prokurorëve

Erion Velia është në qeli prej më shumë se një muaji tashmë pasi është arrestuar me urdhër të SPAK me akuza të rënda korrupsioni. Ky është një moment kyç në luftën kundër korrupsionit dhe vendos një standard të ri për llogaridhënien e zyrtarëve të lartë në Shqipëri.

Hetimi i nisur nga SPAK është përqendruar tek pasuria e Veliajt dhe rrethit të tij të ngushtë, përfshirë vëllanë e tij Arbër Veliaj, pronar i kompanisë së marketingut Gogel Holdings. Kjo kompani ka administruar buxhete të mëdha reklamash, të cilat janë përdorur si një mjet i fuqishëm për të shpërblyer mediat që mbështesnin Veliajn dhe për të ndëshkuar ato që e kritikonin.

Roli i One Albania në skemën e kontrollit mediatik

Një pjesë e madhe e fondeve që menaxhonte Gogel Holdings vinte nga kompania One Albania, e cila dyshohet se ka përfituar tendera preferencialë nga Bashkia e Tiranës. Këto tenderë, të maskuar si investime për infrastrukturën e internetit dhe telekomunikacionit, janë përdorur më pas për të financuar median në shërbim të propagandës së Erion Veliajt.

Dyshohet se një pjesë e këtyre fondeve është përdorur për të shantazhuar gazetarë dhe media kritike. 

Si Funksiononte Skema?

1. Bashkia e Tiranës i jepte tendera One Albania për shërbime të ndryshme, shpesh me çmime të fryra dhe pa garë transparente.
2. One Albania transferonte një pjesë të këtyre fondeve tek Gogel Holdings e Arbër Veliajt, e cila i shpërndante më pas në media të përzgjedhura nga rrethi i Erion Veliajt.
3. Mediat që mbështesnin Veliajn merrnin financime të mëdha nga reklamat e One Albania, ndërsa ato që e kritikonin mbeteshin pa reklama ose u hiqeshin ato që ishin dhënë.
4. Rezultati: Një treg mediatik i kapur, ku propaganda e Veliajt dominoi, ndërsa zërat kritikë u margjinalizuan ose u shantazhuan.

A do të hetojë SPAK edhe One Albania?

Për momentin, hetimet janë përqendruar te Erion Veliaj dhe rrethi i tij i ngushtë, por pa hetuar financuesit kryesorë të kësaj skeme, drejtësia do të mbetej e cunguar. CEO i One Albania, Brano Djuroviç, dyshohet se është një figurë kyçe në këtë aferë, pasi ka mbikëqyrur dhe miratuar transferimin e fondeve për fushatat mediatike në favor të Veliajt.

Tashmë që SPAK ka arrestuar kryebashkiakun e Tiranës, hetimi duhet të zgjerohet te One Albania dhe drejtuesit e saj, për të zbuluar se si një kompani private është përdorur për të deformuar tregun mediatik dhe për të financuar propagandën e Veliajt me para publike duke mos kursyer as linçimin e prokurorëve të SPAK.

Ky hetim është një provë kyçe për SPAK: A do të guxojë të shkojë deri në fund dhe të prekë të gjithë rrjetin e financimeve?

Nëse kjo nuk ndodh, për shkaq të kuptueshme, pasi SPAK gjendet nën një presion të madh politik, atëherë rrënjët e korrupsionit do të mbeten të paprekura, dhe skemat e kapjes së medias do të vijojnë të operojnë në një formë tjetër. /korrieri

SHIKO EDHE:

 A do të hetojë SPAK edhe kompaninë ONE Albania si pjesë të dosjes së inceneratorëve pasi aty nxorri kokë Ilza Zoto , gruaja e Klodian Zoto ? Pse është fryrë dhe nxirë në fytyrë kohët e fundit Veliaj ? – Mjekët përgjigjen për Korrierin  DOKUMENTI/ “Forca lali Eri!” Erion Veliaj i dha Klea Hutas 35 000 euro nga taksat e qytetarëve DOKUMENTI/ “Qëndro i fortë lali!” Erion Veliaj e pagoi Anxhela Peristerin 36 000 euro nga taksat per lajka dhe foto  FOTO/ “Jepi lali!” Monika Lubonja merr 18 000 euro në vit nga taksat e qytetarëve të Tiranës  Veliaj me celular në qeli, a po e saboton SPAK-un kreu i Burgjeve Klevis Qose ? Kujt i shërben Qose, ligjit apo të arrestuarve për korrupsion?