Rama e “dogji” në listë të hapur në Tiranë pasi Balluku e përzuri nga Fieri, a do të bindet Braçe apo do të “përplasë derën”?

Pas paralajmërimit të Edi Ramës se burrat deputetë të grupit parlamentar të PS nuk do të jenë në listën e sigurt (përveç atyre që janë drejtues politikë), zemërimi i disa figurave të vjetra socialiste ka nisur të shfaqet, edhe pse jo hapur. Jashtë kësaj liste ka mbetur Erion Braçe, deputeti i njohur i PS dhe një nga zërat më të fortë të partisë në parlament.

Burime thonë se Braçe nuk do të pranojë të jetë pjesë e listave të hapura, ndërsa këtë publikisht e pranoi sot Petro Koçi. Lënia jashtë e Braçes, Gjiknurit apo Xhafajt shihet si një goditje e rëndë për socialistët e bazës, të cilët tani duhet të mësohen me emra krejtësisht të panjohur, që ndoshta nuk kanë votuar asnjëherë për PS.

Pas disa fushatash dhe mandatesh në parlament, duket e pakuptimtë që emra me përvojë të lihen jashtë listës, duke e shndërruar grupin parlamentar të PS në një çerdhe të të rinjve pa asnjë kontribut në parti. Spastrimi i grupit parlamentar duket se i paraprin strategjisë së Edi Ramës për të “larë duart” me të vjetrit dhe për t’i dhënë vetes një furçë të re boje, ashtu si dikur fasadat e pallateve të vjetra të Tiranës.

Mbetet për t’u parë se çfarë do të bëjnë në këto kushte Erion Braçe, Damian Gjiknuri apo Fatmir Xhafaj. Ndërsa Xhafaj, muajt e fundit, u përdor hapur nga Edi Rama si një “kërbaç” për një komision parlamentar që synonte kontrollin mbi institucionet e drejtësisë dhe SPAK./korrieri

SHIKO EDHE:

Arben Ahmetaj “shpërthen” nga arratia: Rama priti krerët e mafias në zyrë, Ergys Agasi dhe biznesi “okult” i D’Alemas në Tiranë, Kryeministri e mohon MISTERI/ “Kutia e zezë” e Ramës, Ëngjëll Agaçi u arratis nga frika e SPAK apo është sëmurë? Çfarë flitet korridoreve të Tiranës A është edhe Edi Rama nën hetim nga SPAK? Nervozizmi i tij dhe zhdukja e Engjëll Agaçit i japin krahë spekulimeve Rama mohon se ka pirë shishen e verës 33 mijë euro me Ergys Agasin: Keni prova? Rama pastron listat e PS nga deputetët e vjetër, “xhaketat” që digjen, SURPRIZA me mendatin e Kryeministrit Vlora “zgjohet” nën ujë/ Ushtria në terren, Bashkia nis llogaritjet e dëmit