Nga paraburgimi i Durrësit, Erion Veliaj vijon të reagojë për favoret që iu ka bërë biznesmeneve për të përfituar leje ndërtimi.
Prej ditësh mediat kanë filluar të zbardhin pjesë të dosjes hetimore të SPAK, ku evidentojnë se si Veliaj dyshohet se ka përfituar shtëpi tek Kodra e Diellit, udhëtime në Holandë në këmbim të lejeve të ndërtimit.
Por këto Veliaj i quan “sajesa më e madhe që nga 1991”.
“Eshtë ora 06:30 e mëngjesit dhe nuk jam zgjuar, si gjithmonë, për të ndjekur herët punët e Tiranës, por për kontrollin e mëngjesit nga gardianët e sjellshëm”-shkruan Veliaj.
Për këtë shprehet i shqetësuar se po hidhet baltë ndaj biznesmenëve, ndaj e ndjen detyrim të “lajë” fytyrën e tyre me të vërtetat e tij.
“Sqarova se banoj tek apartamenti ynë te Kodra e Diellit PËRPARA se të bëhesha ministër e kryebashkiak; provova se Fusha ka punuar në Tiranë për pastrimin e Sheshin me të paktën 3 kryetarë bashkie dhe NUK E KRIJOVA unë; vërtetova se Palushin as e kam njohur, as nuk e kam takuar, meqë paska marrë online një leje shtëpie në katund; dhe tani po sqaroj edhe sajesën e fundit, se më paska çuar në Roterdam në 2016, bashkë me gruan, zhvilluesi Fatmir Bektashi.
Në Roterdam kam shkuar me ftesë dhe shpenzime të mbuluara. Vetëm një prokuror budalla mendoj se mund të korruptohem me një ndërtim.
“Po, me OMA dhe me dhjetëra studio të tjera kam vazhduar një traditë të konsoliduar që nga Edi Rama në Bashkinë e Tiranës, që edhe projektet private, të cilat marrin sipas ligjit lejen e metrat që u takojnë, të jenë estetike dhe me shije.
“Projekti i fundit për Bllokun Pedonal, është fryt i këtyre bisedave me arkitektët e Walk 21”- përfundon Veliaj. /korrieri
SHIKO EDHE:
Shkodra në “flakë”, si nisi saga e vrasjeve mes Bajrave dhe Licëve, të paktën 20 viktima e dhjetëra atentate
Laert Haxhiu dënohet me burgim të përjetshëm, Apeli i Posaçëm lë në fuqi vendimin e GJKKO-së
I ngritur në një banesë private! Si u zbulua laboratori i kokainës në Qerekë, hetimet u bënë nga Spanja
Nga Suel Çela te zyrtari i policisë, zbardhen emrat e 21 masave të sigurisë nga SPAK
Investuan paratë e drogës në Shqipëri, nis hetimi pasuror për bandën e Elbasanit! SPAK kërkon ekstradimin e vëllait të Suel Çelës dhe biznesmenit të arrestuar në Itali
Rama bëhet gati për zgjedhje, planifikohet falja e mijëra gjobave në 4 vjet
