QSUT tha se vdiq nga miokardi akut, zhvarroset trupi i 12-vjeçarit nga Maliqi, do t’i nënshtrohet autopsisë

Trupi i Leo Sadikut, 12-vjeçarit nga Maliqi që humbi jetën në QSUT më 8 janar të këtij viti, është zhvarrosur ditën e sotme.

Ekspertët e institutit të mjekësisë ligjore, shoqëruar nga prokurorë të Prokurorisë të Tiranës e cila po heton rastin, në prezencën edhe të familjarëve të 12-vjeçarit, kanë zhvarrosur trupin e të miturit i cili do t’i nënshtrohet autopsisë.

Ekspertët do të marrin mostra nga trupi i 12-vjeçarit të cilat më pas do të dërgohen për ekspertim në institutin e mjekësisë për të hedhur dritë mbi shkakun e vdekjes.

Stafi i QSUT tha se vdekja e tij erdhi si pasojë e miokardit akut, por familjarët kanë hedhur poshtë këtë pretendim dhe akuzojnë mjekët për neglizhencë.

Tashmë do të jetë autopsia e cila do të përcaktojë qartë shkakun e vdekjes së 12-vjeçarit. /korrieri

SHIKO EDHE:

“Dhe 4 vite je…”/ Kush e kërcënoi shefin e SPAK? Karamuço dhe Curri: Dumani u ndoq nga dy makina  Dosja e avokates shqiptare, Algerta Fejzulla e Dubai Im bashkëshortja e vlonjatit dhe lidhja me 65 milion euro kokaine të pastruara  Konflikti në burg/ Rrëfehet Admir Tafili: Me Beharin u zumë për 20 mijë euro, negociova me Enver Bajrin, por…  SPAK nxjerr dokumentin: Si shpifi Erion Veliaj ndaj Ols Dados, gënjeu publikisht PS dhe PD bojktojnë tryzën për reformën në drejtësi, BE në krah të Dumanit Përndoqi disa punonjës/ Procedohet penalisht ish-drejtoresha e Spitalit të Dibrës, Irini Shehu!