BKT pjesë e skemës së skandalit të mikrokredive , si u lanë klientët pa bukë duke bllokuar llogaritë, paratë u investuan në obligacione, shteti HESHT

BKT pjesë e skemës së skandalit të mikrokredive , si u lanë klientët pa bukë duke bllokuar llogaritë, paratë u investuan në obligacione, shteti HESHT

Çdo ditë që kalon, dalin në dritë më shumë detaje nga dosja e Prokurorisë së Tiranës lidhur me çështjen e kredive të këqija.
“Korrieri” ka publikuar më herët detaje rrëqethëse nga dosja e prokurorise4 si edhe dëshmi, ndërkohë që “Prapaskena” ka zbuluar një tjetër element të rëndësishëm nga kjo dosje, e cila tashmë i është dorëzuar Strukturës së Posaçme kundër Korrupsionit dhe Krimit të Organizuar (SPAK).

Një dokument i publikuar pak ditë më parë tregonte se drejtuesit kryesorë të kësaj skeme kishin investuar 10 milionë euro në Bankën Kombëtare Tregtare (BKT).

Por duket se përfshirja e bankës nuk përfundon këtu. Sipas disa mesazheve të siguruara nga “Prapaskena”, BKT ka bllokuar llogaritë e mijëra klientëve për të detyruar shlyerjen e borxheve të MCA. Gjithashtu, sipas të njëjtit burim, është dhënë një urdhër për bllokimin e rrogave mujore të 100 mijë shqiptarëve në të gjitha degët e BKT-së në Shqipëri.

Dokumenti dhe mesazhi i dërguar në telefon

Më 26 gusht të vitit të kaluar, Prokuroria e Tiranës i dërgoi një shkresë bankave të nivelit të dytë me titullin: “Dërgojmë informacion për heqjen e sekuestros së llogarive bankare”. Në këtë shkresë, Prokuroria i kujtoi BKT-së se llogaritë nuk duhet të mbahen të bllokuara për më shumë se 10 ditë, nëse përmbaruesi nuk ofronte sqarime mbi statusin e sekuestrimit.

Një nga këto llogari të bllokuara ishte edhe ajo e Pal Trashajt dhe familjes së tij, çka çoi në një tragjedi – vetëvrasjen e tij me fotoksinë përpara dyerve të SPAK.

Pas ndërhyrjes së Prokurorisë në shtator, në telefonin e Trashajt u dërgua një mesazh nga BKT, ku thuhej: “Llogaria jote u zhbllokua nga PËRMBARIMI.”

Por për të ishte tepër vonë. Trashaj kishte ndërruar jetë disa muaj më parë.

Megjithëse disa pjesë të dosjes mbi skandalin e kredive të këqija janë bërë publike nga media, BKT ende nuk ka dhënë asnjë sqarim zyrtar – as për autoritetet dhe as për klientët e saj. /korrieri

SHIKO EDHE:

Qytetarët të shqetësuar: Hakerat po na marrin paratë nga llogaritë te Banka Kombëtare Tregtare ( BKT ) , faqja e njohur zbulon rastet Thellohet skandali i mikrokredive/ Si u ‘investuan’ te Banka Kombëtare Tregtare paratë e shqiptarëve hallexhinj që u zhvatën nga MCA Dokumenti/ 8.8 ton ar hynë në thesar në ’44, në ’90 u numërua vetëm 1 ton, si u zhduk floriri i shtetit Kulla e Shkëlzen Berishës Mount of Tirana , hetohet për pastrim parash “E vrava nga xhelozia”, ky është shqiptari që i mori jetën gruas në Athinë  Kush po e varros skandalin me mbetjet toksike të Kurum ?!